May baroto kong gamay
nga gama sa timgas kong laraw ang kasko
ug mabulokong damgo ang iyang layag.
ang tuo ining katig akong kalipay ug
kaguol sa iyang wala.
Ipaanod ko sa baybay nga nagbawon ug hinubig sa luha.
Nahadlok ko nga sa laing baybayon ikaw idagsa sa mga balod
ug dili na mubalik dinhi sa akong lapyahan.
Unsaon ko pagkasayod kung dili ko kini buhian?
Apan sa imong pag-anod lingiw intawon daw nagpahiyom
Kay ang tuasik sa balod hapdos kaayo sa akong mga mata.
